Nazioarteko misioa Danimarkara Guztiona kluster agroalimentarioarekin

 

Cebanc-eko ordezkaritza bat Aarhus-en dago (Danimarka) irailaren 17tik 19ra, Donostia Sustapenak antolaturiko Guztiona kluster agroalimentarioaren kide gisa. Bidaia honetan, besteak beste, ekoizle, sukaldari, landa-garapeneko agentzia, elikadurako aholkulari eta Donostiako zinegotziek parte hartuko dute.  

Aarhus, irriaren hiria bezala ezaguna, Danimarkako bigarren hiria da (340.000 biztanle) eta 2017an Europako Gastronomiaren Lurraldea izendatu zuten, ‘Re-thinking Good Food’ lelopean. Izendapen honek lurralde honen kultura gastronomikoaren gorengo maila eta bere lidergoa elikaduraren ikerkuntzan aitortzen du. Aarhus, gainera, nekazari-gune garrantzitsua izateaz gain, hiru Michelin izardun jatetxe ditu. Aarhus-eko Unibertsitateak, bestalde, Elikaduraren Zientzietako departamendua dauka.

Ondoren, bidaiaren egitaraua:

  • 17an: Organic Denmark enpresa, nekazari eta kontsumitzaileen elkarteko kideekin bilera, eta Aarhus Street Food janari-merkatura bisita. 

  • 18an: Jacob Bundsgaard alkatearen ongi-etorria eta Danish Food Cluster elikaduraren industriako plataformako kideekin bilera. Ondoren, Aarhus Unibertsitatean Food Science departamentuko buruarekin bilera eta Agro Food Park-earen aurkezpena. Egunean zehar, gainera, SEGES enpresara, Danish Food Innovation gunera, Aarhus Central Food Market-era eta Arla Berrikuntza Gunera bisitaldiak. 

  • 19an: East Justland-eko hamabi herrik osatzen duten Business Region Aarhus-en aurkezpena; Green Museum-era eta Mollerup Estate landetxera (1710koa) bisita.

                       

 

 

NEWSLETTER

Si quieres estar informado sobre los cursos, formación, ofertas de trabajo, etc déjanos tu email. Recuerda que siempre podrás darte de baja en cualquier momento.
Image
Paseo de Berio, 50
20018 Donostia-San Sebastián
tel. 943 316 900
gcomercial@cebanc.com

De lunes a viernes 9:00-19:00